Proxecto de
Redución do Abandono Escolar no Concello
de Oleiros para o ano 2013
O Concello de Oleiros o abeiro da
Orde do 26 de abril de 2013, pola
que se convocan subvencións para o desenvolvemento de programas dirixidos á
redución do abandono escolar nos concellos de Galicia para o ano 2013, presenta
este proxecto coa finalidade de
disminuir o impacto dos factores que inciden no abandono do sistema educativo
por parte do alumnado galego.
Para acadar a nosa finalidade
desenvolveremos actividades que proporcionen unha formación integral ao
alumnado e do mesmo xeito tamén impulsaremos o esforzo de toda a comunidade educativa na procura do
éxito escolar nunha labor conxunta coas
Administracións e da sociedade (Lei Orgánica 2/2006).
A partir da demanda detectada na poboación
de Oleiros en idade comprendida 15-24 anos cun alto índice de abandono escolar
e que representan un 9,45% da poboación total[1] as actividades diríxense á mocidade que cursa
segundo ciclo de ESO e PCPI con dificultades para avanzar no sistema educativo có
propósito de evitar o abandono sen cualificación e sen titulación. Do mesmo xeito,
dirixímonos aos mozos e mozas que abandonaron os seus estudos e que queren
retomalos, preparándoos para as probas
de obtención do graduado en educación secundaria obrigatoria. Así levaremos a
cabo:
- Talleres
de recuperación do alumnado de secundaria que presenta malos resultados
académicos e/ou desmotivación para o estudo.
- Aulas
de preparación de probas libres de graduado en educación secundaria.
- Propiciar
que o alumnado que abandonou o sistema educativo poida continuar estudos
de bacharelato.
- Atender
o alumnado con menor motivación e capacidade para aprender, de xeito que
se lle ofrezan respostas adaptadas ás súas posibilidades e intereses, coa
finalidade de diminuír o risco de abandono ou desinterese e de prepararse
para as probas de graduado en ESO.
- Mellorar
a adquisición das competencias básicas no alumnado en risco de abandono
escolar.
- Favorecer
a atención educativa dos colectivos máis vulnerables, como o alumnado
inmigrante ou o alumnado en risco de exclusión social.
- Impulsar
a coordinación entre organizacións e institucións do contorno para
diminuír o abandono escolar.
O Concello conta cos medios
necesarios tanto persoais como materiais para levar a práctica o proxecto e
acadar os resultados previstos. A continuación, explicitamos en que consisten
tales medios:
- coordinadora
do programa en contacto cos IES colaboradores, coas familias e có
equipo de monitores e docentes, así
como cos membros das asociacións demandantes do presente proxecto.
- instalacións
educativas cedidas pola Consellería de Educación e aulas municipais,
situadas en diferentes lugares do concello, equipadas cós materiais
necesarios para levar a cabo o
programa de actividades que contempla o noso proxecto.
Deste xeito, a través do noso proxecto
poderemos contribuír a mellorar a
cualificación, motivación, expetativas, intereses, etc… dos destinatarios/as,
ao tempo que repercute en todos os membros da sociedade, independentemente das
condicións sociais, culturais e económicas da familia e do contorno do alumno,
como ben expón tanto a Constitución Española como a Lei Orgánica 2/2006.
No hay comentarios:
Publicar un comentario